S'assòtziu Turìstigu-culturali Pro-Loco de Silius tenit prexeri de presentai su XIX prémiu de poesia in onori de Santa Bràbara. Su prémiu ddu aparìciant cun s’amparu e contribbutu de: Comunu de Silius, Regioni Sarda, Provincia de Casteddu e de sa Sociedadi Fluorsid SpA.
Is arrègulas
Su Prémiu est pratziu in tres setzionis e s’argumentu est a prexeri.
1. Setzioni A: custa setzioni est po sa poesia in rima cun non prus de 42 versus;
2. Setzioni B: custa po sa poesia in versus scapus cun non prus de 40 versus;
3. Setzioni C: custa est po scola de s’óbbrigu, annu: 2013-2014; a cust’ùrtima setzioni si podit pigai parti cun-d-una poesia o cun-d-unu contixeddu. Is trabballus podint èssiri fatus a solus o in cambaràda; est pretzisu a pònniri nòmini, sangunau e sa classi de frecuénzia.
Sa presidenti de sa Pro Loco: Alida Cirina Giuria. Sa giuria: Anna Cristina Serra, Presidenti; Gianfranco Garrucciu; Giurau; Ivo Murgia, Giurau; Paolo Pillonca, Giurau; Dante Erriu, Segretàriu.
Dónnia cuncurrenti podit pigai parti a una setzioni sceti e sceti cun-d-una poesia. Chini at bintu su primu prémiu non ddu podit bìnciri in sa própiu setzioni si no a pustis de tres annus ma podit cuncùrriri po su segundu, po su de tres, po mentzioni o signalatzioni. Po bìnciri sa patena di oru, invecias,su poeta no dda depit àiri mai binta.
Is òperas, mai premiadas in atrus cuncursus, depint èssiri mandadas in ses cópias, scritas a machina o a computer e in dónnia cópia ddoi depit èssiri scritu: nòmini, sangunau, logu de residéntzia, nùmuru de telèfunu e, chi ndi tenit, s’indiritzu de posta elettronica; a parti de foras de sa busta depit èssiri inditàda sa setzioni de ancà si ‘olit pigai parti.
Est aggradéssia sa tradutzioni in italianu (obbrigatóriu po is òperas in Algheresu, Tabarchinu, Sassaresu e Galluresu)
Est aggradéssiu a imperai sa litera 12,14, Times New Roman (po esigéntzias de trabballu is poesias cun sa tradutzioni depint arribbai in-d-unu ùnicu fólliu).
Totu is òperas depint arribai aintru de su 15 de Donniassantu 2013, cun posta normali e no arrecumandada a:
Associazione turistica Pro Loco Silius
c/o Erriu Dante via Cagliari 78
09040 Silius (CA)
o in posta elettronica a sa e-mail: erriudante@gmail.com
Po ndi sciri de prus podeis tzerriài a su nùmuru: 070/959252
Is òperas non benint torradas a s’autori e sa Pro-Loco ddas podit imperai po calisisiat fini culturali. Su giudìtziu de sa giurìa est foras de duda e su cuncurrenti depit tènniri contu de is arrégulas sinò s’òpera sua no benit tenta in contu. Is prémius chi s’ant a donai podint èssiri in dinai.
Is cuncurrentis ant a èssiri avisaus in tempus po sa premiatzioni chi s’at a fàiri in Silius, forzis in Mes’’e Idas de su 2013.
Po ndi sciri de prus:
