A-i cust'atòbiu de literadura e lìngua sarda anti pigau parti, imparis a su poeta: Toninu Orani, su sìndigu; Toninu Rubattu e Pàulu Pillonca, istudiaus e spertus de literadura sarda; Clara Farina e Carmela Arghittu, poetas e atoras; e su coru Santa Rughe. At chistionau puru Nicola Tanda su professori de s'Universidadi.
Tempos est un'arregorta de sonettos aundi nci funti poesias chi su poeta itiresu at scritu in cincuant'annus in logus e momentus de sa vida cosa sua diferentis meda.Giuanne Fiore est unu de is poetas sardus prus connotu e stimau. At bintu unu sciacu mannu de prèmius e at pubricau unas cantu de arregortas giai, che Bisos e chertos de su 2004. In su mes''e maju de ocannu su Lions Club de Ittiri dd'at premiau che itiresu de s'annu.
Tempos. Sos Sonettos dd'at pubricau sa domu de imprenta Domus de Janas in su 2012.
Credits: sa fotografia a pitzus est de Andrea Fancellu chi ddi torru gràtzias.
Po ndi sciri de prus:
Tempos - Giovanni Fiori - Domus de Janas
Oggi di scena Fiori, poeta in limba
Giovanni Fiori - Tempos (Sos sonettos)
